`တဖြောက်ဖြောက်´ မိုးစက်သံတို့ ခေါင်မိုးကိုအထိ စာကြည့်နေရာမှ မျက်လုံးလေးကိုလွှဲပြီး အပြင်ဘက်ကို လှမ်းကြည့်မိနေပါတော့တယ်။ မိုးတွင်းရောက်လာပြီဆိုတော့ ရပ်ကွပ်ထဲမှာ ဘောလုံးပြိုင်ပွဲလေးစတော့မှာဘဲ။ ကျွန်တော်တို့ ခလေးတစ်သိုက်အတွက်ကတော့ ပျော်၇ွှင်ဖွယ်ရာလေးတစ်ခုပါ။ နှစ်စဉ်နှစ်တိုင်းပျော်ရွှင်ခဲ့တာ ဒီနှစ်ကော ကျွန်တော့အတွက်............။
နှစ်စဉ်နှစ်တိုင်း ကျွန်တော်ဘောလုံးကန်ဖို့အတွက် လေ့ကျင့်ပေးခဲ့တဲ့အဖေ တစ်ယောက်၊ အားပေးခဲ့တဲ့ အဖေတစ်ယောက် ကျွန်တော့်အနားမှာ ဒီနှစ်မရှိခဲ့တော့ ကျွန်တော်စိတ်အားငယ်မိတာတော့အမှန်ပါ။ အဖေရယ်.......။ ကျွန်တော်တို့သားအမိနှစ်ယောက်လုံးကို ပစ်ထားခဲ့တယ်။ ၁၀ နှစ်သားကျွန်တော် မှာ အမေတစ်ယောက်အားငယ်မှာ ဆိုးမိလို့ တစ်ယောက်ထဲတိတ်တဆိတ်ကျခဲ့ရတဲ့ မျက်ရည်ဟာ ခေါင်းအုံးလေးသာအသိပါအဖေရာ။
အဖေတစ်ယောက်မနှစ်က ဆောင်းတွင်းမှာ တောင်ပေါ်မြို့လေးတစ်မြို့ကို စီးပွါးရှာသွားခဲ့ရာမှ ကားမှောက်ပြီးအသက်ဆုံးပါးသွားခဲ့ရှာတာပါ။ ကျွန်တော်တို့သားအမိအတွက် ကြိုးစားခဲ့တဲ့အဖေတစ်ယောက် ကြိုးစားနေရင်းဘဲ အသက်ပါပေးခဲ့တဲ့ တန်ဖိုးမဖြတ်နိုင်တဲ့ ဖခင်ကောင်းတစ်ယောက်ပါ။ အမေကကော ..... ဘ၀ ကို အဖေမရှိတဲ့နောက် ပင်ပင်ပန်းပန်းရုံးကန်ရင်း ကျွန်တော့်ပညာရေးကို မပြတ်အောင် ထောက်ပံ့နေသူပါ။ ကျွန်တော့်ဘ၀မှာ အနှိုင်းမဲ့ကျေးဇူးရှင်မိဘနှစ်ပါးပါ။ ကျွန်တော်တနေ့ သားကောင်းဖြစ်အောင်ကြိုးစားနေပါတယ် အဖေရယ်။ တစ်ခါတစ်ခါ အားငယ်စိတ်နဲ့များ အဖေများပြန်လာအုံးမလားလို့ မျှော်နေမိတယ်အဖေရယ်။ ဒါဟာတကယ်မဟုတ်တဲ့ ရူးသွတ်ခြင်းမှန်း ကျွန်တော်သိနေပါတယ် အဖေရယ်............။
`ဒေါက်ဒေါက်´ တံခါးခေါက်သံကြောင့် အမေတစ်ယောက်ဖြစ်မှာဆိုပြီး အဖွင့် `သား လပတ်စာမေးပွဲနီးနေပြီ ညဥ့်နက်မခံနဲ့တော့ အိပ်တော့နော်´ လို့ မေမေ၀င်လာပြီးအပြော `ဟုတ်ကဲ့မေမေ။ မေမေကန်တော့ပါတယ်´ ဆိုပြီးထိုင်ကတော့ `အေးအေး ငါ့သားလေး ကိုယ်စိတ်နှစ်ပါးကျန်းမာချမ်းသာပြီး ခလုတ်မထိဆူးမညှိပါစေနဲ့ကွယ်´ လို့ အသံတုန်တုန်လေးနဲ့ ပြောအပြီး ထွက်သွားပါတော့တယ်။ အမေ အမေ အဖေ့ကိုသတိရသွားတာနေမှာလေ။
ကျွန်တော်လည်း အမေထွက်အသွား လုပ်လက်စစာလေးပြန်အလုပ်မှာ မှန်ပြတင်းတံခါးလေးမှာ `အတိုး သားလေး သားလေး အတိုး´ ဆိုတဲ့ ခေါ်သံသဲ့သဲ့လေး အကြားမှာ လှည့်အကြည့် မိုးစက်တွေကြားမှ အဖေပါလား။ ကျွန်တော်မျက်စိမှောက်နေတာများလားလို့ မျက်လုံးနှစ်လုံးကို ပွတ်ပြီး သေချာပြန်အကြည့် ဟုတ်တယ် အဖေမှအဖေပါ။ ကျွန်တော်ပြတင်းတံခါးဆီသို့ တိုးသွားပြီး တံခါးလေးအဖွင့် အေးစက်စက်မိုးတို့ကအခန်းတွင်း ၀င်ရောက်လာပါတယ်။ `သားလေး ဘာလို့စိတ်အားငယ်နေရတာလဲ။ မင်းအဖေ့သားမဟုတ်ဘူးလားကွာ။ အားနေအဖေ့ကိုတတနေတာကြောင့် ဒီညတော့ သားဆီကို အဖေလာခဲ့တာလေ။ မင်းကို အားမငယ်တတ်အောင်။ စိတ်ဓါတ်မကျအောင် ။ ကိုယ့်ကိုကိုယ်အားကိုးတတ်အောင် အဖေသင်ခဲ့တာတွေ မင်းမေ့နေပြီလား သားရယ်။´ လို့ အဖေအမေးမှာ ` အဖေ သားမမေ့ပါဘူး။ ဒါမယ့် သတိလစ်သွားတာပါအဖေ။´
`အေး သားလေး မင်းဒီနေ့ဒီအချိန်ကစပြီး အမေအားကိုးထိုက်တဲ့သား။ အဖေတမလွန်ကနေ စိတ်ချနေမယ့် သားတစ်ယောက်ဖြစ်အောင်ကြိုးစားမယ်လို့ အဖေ့ကို မင်းကတိပေးပါလား သားရယ်။ ´ လို့ အဖေ အမေးမှာ `ဟုတ်အဖေ ။ ဒီနေ့ကစပြီးသားကြိုးစားပါ့မယ်´ လို့ အပြော အဖေတဖြေးဖြေးမိုးစက်တွေအောက် ကျောခိုင်းထွက်ခွါသွားပါတော့တယ်။ ကျွန်တော်လည်း မိုးစက်တွေအောက် ထွက်ခွါသွားတဲ့အဖေ့ကို ကြည့်ရင်း အမေ့ကိုသတိအရ ပြတင်းတံခါးလေးကို ပိတ်အပြီး အမေ့ဆီကိုအထွက် ဧည့်ခန်းမှာ မအိပ်သေးတဲ့ အမေ့ကိုအဖွားနဲ့ အတူအတွေ့မှာ `မေမေသားဒီနေ့က စပြီး မေမေအားကိုးယုံကြည်ရတဲ့ သားဖြစ်စေရမယ့်နော် မေမေ။ သား ဒီနေ့ကစပြီး အားသစ်တွေမွေးပြီး သားရဲ့မနက်ဖြန်တိုင်းကို လှပစေရပါမယ်လို့ ကတိပေးပါတယ်မေမေ နော်မေမေနော်။´ မေမေမျက်ဝန်းမှာ မျက်ရည်တွေအပြည့်နဲ့ ပြုံးကြည့်ရင်း `အေး အေး ဒါမှ့ မေမေ့သားလေး´ လို့ ပြောအပြီး တစ်ချက်ငုံးနမ်းကာ `ညဥ့်နက်ပြီသား သွားအိပ်တော့နော်။ မေမေတို့ မင်းဉ်ီးလေးပြန်အလာကို စောင့်လိုက်အုံးမယ်။ `ဟုတ်ကဲ့ မေမေ။ ဘွားဘွား တာ့တာ သားအိပ်တော့မယ်´ ဆိုပြီး အဘွားကို တစ်ချက်နမ်းကာ ပျော်ရွှင်စွာနဲ့ အိပ်ယာထက်အိပ်စက်ခဲ့ပါတယ်။ ကျွန်တော်သိနေတာတော့ ကျွန်တော့ရဲ့ မနက်ဖြန်တိုင်းမှာ လှပအောင်လျှောက်လှမ်းဖို့ အားတွေပြည့်နေပြီဆိုတာပါဘဲ။
`ဒေါက်။ ဒေါက်။ဒေါက်´ `ဟဲ့ဒါနင့်မောင်ဘဲ´ `ဟုတ်အမေ´ လို့ ပြောပြောဆိုဆို တံခါးလေး အဖွင့် မိုးရေတွေရွှဲ့နေတဲ့မောင်လေးကို `မြန်မြန်အိမ်ထဲဝင်တော့။ အ၀တ်အစားလဲပြီးမှ ပြန်ထွက်လာခဲ့နော်။ အမေနဲ့ အမနင့်ကိုစောင့်နေမယ်´ `အမတူလေးကော´ `ဟဲ့ သွား အ၀တ်မြန်မြန်လဲပြီးထွက်ခဲ့ ငါစောင့်နေပါတယ်။ ပြောချင်လွန်းလွန်းလို့လေ´ `ဟုတ်။ ဟုတ်´ လို့ပြောပြီးအခန်းထဲဝင်သွားလိုက်တာ ၃မိနစ်လောက်နေမှ ပြန်ထွက်အလာ `အမဘယ်လိုတုန်း ။ အမခိုင်းတဲ့ အတိုင်းကျွန်တော်လုပ်တာအဆင်ပြေလား။ အမခိုင်းလို့သာ လုပ်ရတာ ကျွန်တော့မှာ အဆင်ပြေပါ့မလားလို့ စိတ်ပူနေရတယ်လေ´ ။ `အော် နင်ကလည်း ပြေတယ်လေ။ နင်ထွက်သွားအပြီးမှာ နင့်တူပျော်ရွှင်စွာထွက်လာပြီး ကတိတွေပေးတော့တာဘဲ။ ငါလိုချင်တာလဲဒါဘဲလေ။ သားလေးကို သူ့ကိုယ်ကိုကိုယ်အားကိုးစေချင်တာ။ မရှိတော့တဲ့အဖေကို လွမ်းတာ အပြစ်မဆိုသာပေမယ့် သားလေးနောင်ရေးအတွက် တမင် ဒီလိုလုပ်၇တာပါဟယ်။ နင့်လဲကျေးဇူးတင်ပါတယ်။ ဦးလေးတစ်ယောက်အနေနဲ့ နင့်တူကို ထိန်းကျောင်းပေးနေတာကိုလေ။´ `ဟာ အမကလည်း ပြောစရာလိုလား။ ကျွန်တော့်တူအတွက်ဘဲဟာကို ။ ဒါဆို ကျွန်တော် အိပ်တော့မယ်´ `ဟဲ့ ခေါင်းခြောက်အောင် သုတ်အုံးနော်။ သုတ်ပြီးမှ အိပ်။ ကြားလား´ `အမေ ကျွန်တော်ခလေးမဟုတ်တော့ဘူးနော်´ အဲဒီအချိန်မှာ ကျမအမေပြန်အော်လိုက်တာကတော့ ` အမေဆိုတာ သားသမီး ဘယ်အရွယ်ရောက်ရောက်ပူနေအုံးမှာဘဲ။ နင်တို့ မကောင်းတာမှန်သမျှ ကောင်းမွန်လာအောင် နည်းအမျိုးမျိုးနဲ့ ပြုပြင်ဆုံးမနေရအုံးမှာ၊ ထောက်ပံနေရအုံးမှာဘဲဟဲ့´။ ။
`မိဘတိုင်းအား ရည်စူးလျှက်....´
Posted by
Chit Latt
0 comments:
Post a Comment